Xəbər lenti
Putin millətin əbədi lideri olacaq – Nazarbayev ssenarisi
Nursultan Nazarbayevin 78 yaşında Qazaxıstanın prezidentliyindən getməsi, eyni zamanda Qazaxıstan Təhlükəsizlik Şurasının rəhbəri və "millətin ömürlük lideri" kimi əsas səlahiyyətləri əlində saxlaması, Kremldə Rusiya Prezidenti Vladimir Putinin gələcək taleyinə nümunə olaraq qəbul edilir.
Bu barədə “Blumberq” agentliyi Kremlə yaxın mənbələrə istinadla informasiya yayıb.
Nəşrin məlumatına görə, Rusiyanın hakim elitasında bir çox şəxslər Putinin mümkün olduğu qədər uzun müddət hakimiyyətdə qalmasını istəyir. Bunun həyata keçirilməsi üçün müxtəlif ssenarilər mövcuddur. Bunlardan biri Belarusla birləşərək yeni bir dövlət yaratmaqdır. Bu yolla Putin konstitusiya məhdudiyyətlərindən azad olacaq və növbəti müddətə liderlik edə biləcək.
Kremlin siyasi məsləhətçisi, prezident administrasiyasının keçmiş əməkdaşı Andrey Kolyadin hazırda Rusiyada hakimiyyətin ötürülməsinin Qazaxıstan variantının geniş şəkildə müzakirə edildiyini bildirib.
“Nazarbayev ssenarisi hakimiyyətin ötürülməsindən sonra belə varisinə təsir edə biləcək bir arbitr görmək istəyən siyasi elitanı qane edə bilər”, - ekspert bildirib.
Politoloqların fikrincə, bu cür ssenaridə Putin bəzi əsas səlahiyyətləri özünün rəhbərlik etdiyi Təhlükəsizlik Şurası və Dövlət Şurasına ötürə bilər. Beləliklə, Kremldən getsə belə, həmin qurumlara rəhbərliyi öz əlində saxlayacaq.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar