Xəbər lenti
Türkiyədə Cümhuriyyət Bayramı qeyd edilir
Bu gün Türkiyədə Cümhuriyyət Bayramı qeyd edilir.
I Dünya savaşından sonra Antanta dövlətləri tərəfindən İstanbul, İzmir və digər Osmanlı torpaqlarının işğalı Türk Milli Hərəkatının ortaya çıxmasını şərtləndirib.
Çanaqqala savaşının qəhrəmanlarından olmuş Mustafa Kamal Atatürkün rəhbərliyi altında 19 may 1919-cu ildə Samsun hərəkatı ilə Qurtuluş Savaşı başlayıb. 18 sentyabr 1922-ci ildə bütün düşmən hərbi qüvvələri ölkədən qovulub. 24 iyul 1923-cü ildə imzalanan Lozanna sülh müqaviləsi ilə Türkiyə Cümhuriyyəti beynəlxalq səviyyədə tanınıb. 29 oktyabr 1923-cü ildə rəsmən paytaxtı Ankara olan Türkiyə Cümhuriyyəti elan edilib. Bununla əlaqədar hər il oktyabrın 29-u Türkiyədə Cümhuriyyət Bayramı qeyd edilir. Mustafa Kamal Atatürk bu günü ən böyük bayram olaraq dəyərləndirib.
Türkiyə prezidenti Rəcəb Tayyib Ərdoğan, dövlət və hökumət üzvləri, müxalifət partiyalarının liderləri, millət vəkilləri bayramla əlaqədar Atatürkün dəfn olunduğu Anıtqəbir Kompleksini ziyarət ediblər.
R.T.Ərdoğan xatirə dəftərinə yazıb ki, bu gün çoxlu sayda qurbanlar verərək qurulan son dövlətimizin – Türkiyə Cümhuriyyətinin 94-cü ildönümünü qeyd edirik: “Türkiyə Cümhuriyyəti hər sətiri qəhrəmanlıqlarla, hər səhifəsi fədakarlıqlarla dolu olan çətin bir mübarizənin nəticəsidir. Cümhuriyyətimiz 94 il öncə olduğu kimi bu gün də ayaqları üzərindədir. Tarixin yaddaşına 15 iyul demokratiya dastanı olaraq yazılan şanlı müqavimət bu ruh və iradənin bütün Türkiyədə təcəssüm etmiş halıdır. Cümhuriyyətimizin 94-cü ildönümü qeyd edərkən başda Atatürk və dostları olmaqla, bütün qazilərimizin xatirəsini hörmətlə yad edir, şəhidlərimizə Allahdan rəhmət diləyirik. Cümhuriyyət bayramımız mübarək olsun!”.(apa)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Təqvim
| « Mart 2025 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||
Sorğu
Portalımızı dəyərləndirin.
Çox oxunanlar