Rusiya gəmisi Aralıq dənizində batdı - İtkin düşənlər var

Aralıq dənizində Rusiya gəmisi batıb.
Rusiya KİV-i xəbər verir ki, bu barədə "Espanol" nəşri məlumat yayıb.
Bildirilib ki, Rusiyanın "Ursa Major" gəmisi İspaniya və Əlcəzair arasında beynəlxalq sularda qəzaya uğrayıb.
"Rusiyanın "Ursa Major" ticarət gəmisi bu bazar ertəsi Aqilas (Mursiya əyaləti) bələdiyyəsi ilə Oran şəhəri (Əlcəzair) arasında beynəlxalq sularda maşın otağında baş verən partlayışdan sonra qəzaya uğrayıb", - deyə nəşr yazıb.
14 ekipaj üzvü xilas edilərək Kartagena limanına aparılıb. İki dənizçinin itkin düşdüyü bildirilib.
Rusiya bayrağı altında üzən gəminin 12 gün əvvəl Sankt-Peterburqda  çıxdığı və yanvarın 22-də çatmalı olduğu Vladivostok limanına doğru getdiyi məlum olub.milli.az