Cənubi Koreya prezidentinə impiçment elan edildi

Cənubi Koreya parlamenti Prezident Yun Sok Yola impiçment elan edib.
Manevr.az xəbər verir ki, parlamentin 204 deputatı qərarın lehinə səs verib, 85 nəfər isə əleyhinə çıxıb.
Dövlət başçısının səlahiyyətləri müvəqqəti olaraq Baş nazir Han Dak Su tərəfindən icra ediləcək.
Cənubi Koreyanın Konstitusiya Məhkəməsi məsələyə baxacaq və Yun Sok Yola dair qərar verəcək. Bu proses altı ay davam edə bilər.
Qeyd edək ki, müxalifət partiyaları impiçment prosedurunu başlatmışdı, Yun Sok Yol isə istefa vermək niyyətində olmadığını bildirmişdi. Dekabrın 3-də Prezident hərbi vəziyyət elan etmiş və orduya paytaxta daxil olmaq əmri vermişdi. Lakin parlamentdə keçirilən səsvermə ilə bu qərarlar ləğv edilib.