.png)
Xəbər lenti
Zelenski Putinin açıqlamalarına münasibət bildirib
Rusiya prezidenti Vladimir Putin Ukrayna ərazisində orta mənzilli “Oreşnik” raketinin tətbiqi ilə bağlı açıqlamalar verib.
Manevr.az xəbər verir ki, Ukrayna prezidenti Vladimir Zelenski Putinin açıqlamalarına münasibət bildirib.
“Putin etiraf etdi ki, o, artıq bu il eskalasiyaya, bu müharibənin genişlənməsinə doğru ikinci addım atıb. Yeni ballistik raketdən istifadə edilib. Putin Ukraynanın ən böyük şəhərlərindən biri Dnepr şəhərini vurdu. Bu, müharibənin miqyasının və qəddarlığının açıq-aşkar və ciddi artması, Rusiya tərəfindən BMT Nizamnaməsinin rüsvayçı şəkildə pozulmasıdır. Və vurğulayacağam: bu, Rusiyanın bir il ərzində eskalasiyaya doğru ikinci addımıdır. İlk belə addım Şimali Koreyanın ən azı 11 min əsgərdən ibarət kontingenti Ukraynaya qarşı müharibəyə cəlb etmək idi” -o qeyd edib.
Prezidentin sözlərinə görə, Putin dünyada müharibəni genişləndirməməyə çağıran hər kəsə məhəl qoymadan bu addımların hər ikisini atıb. "O, Çinin, Braziliyanın, Avropa ölkələrinin, Amerikanın və dünyanın bütün digər ölkələrinin nəyə çağırdığına əhəmiyyət vermir"- Zelenski deyib.
O əlavə edib ki, bu, Ukraynanın uzaqmənzilli silahlardan ilk dəfə istifadə etməsi deyil və bu, hansısa yeni addım deyil.
“Beynəlxalq hüquqa uyğun olaraq bunu etməyə tam haqqımız var. Bizim özünümüdafiə hüququmuz hər bir millətin hüququ ilə eynidir. Rusiya raketləri şəhərlərimizi vuranda, hər gecə Ukrayna İran kamikadzeləri tərəfindən hücuma məruz qalanda, Şimali Koreyadan bir kontingent bizim sərhədimizə yerləşdiriləndə Putin nəinki müharibəni uzadır, həm də edir”, - deyə Ukrayna prezidenti yekunlaşdırıb.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar