Xəbər lenti
Rusiya xəritəsini genişləndirir: Plan rəsmən açıqlandı – İki ölkə hədəfdə
Litva Xarici İşlər Nazirliyi Rusiyanın Baltik dənizində Litva və Finlandiyanın dövlət sərhədi yaxınlığında ərazi sularının genişləndirilməsi planlarına sərt reaksiya verib.XİN bunu “qonşu ölkələr və cəmiyyətlərini qorxutmaq məqsədi daşıyan düşünülmüş, məqsədyönlü təxribat” adlandırıb.
“Bu, Rusiyanın aqressiv və revizionist siyasətinin qonşularının və bütövlükdə Avropanın təhlükəsizliyini təhdid etdiyini göstərən daha bir sübutdur”, - açıqlamada deyilir.
Qeyd olunur ki, Rusiya Müdafiə Nazirliyi sənəd hazırlayıb, buna əsasən, Rusiya Fin körfəzinin şərqi, həmçinin Kalininqrad vilayətinin Baltiysk və Zelenoqradsk şəhərləri yaxınlığındakı akvatoriyanın bir hissəsini özünün daxili dəniz suları elan etmək niyyətindədir.
Xarici işlər naziri Qabrielus Landsberqis öz növbəsində bildirib ki, Litva və Finlandiya ilə dəniz sərhədlərini yenidən cızmaq niyyətində olan Rusiya növbəti hibrid əməliyyatını həyata keçirir. O əlavə edib ki, bu, NATO və Avropa Birliyinə qarşı yönəlmiş açıq eskalasiyadır və sərt reaksiya verilməlidir.
Dünən “The Moscow Times” Rusiya hökumətinin qətnamə layihəsinə istinadla yazıb ki, Moskva Fin körfəzinin şərqi, həmçinin Baltiysk və Zelenoqradsk yaxınlığındakı akvatoriyanın bir hissəsini daxili dəniz suları elan etməyə hazırlaşır. Sənəddə göstərilir ki, 1985-ci ildə müəyyən edilmiş coğrafi koordinatlar indiki coğrafi vəziyyətə uyğun gəlmir. Ruslar Finlandiya və Litva sərhədlərində bir sıra adalar və dəniz sularında koordinatları tənzimləmək istəyirlər.
İddiaya görə, Rusiya dəniz sərhədinin keçidini dəyişmək niyyətindədir. “Delfi” vurğulayır ki, qətnamə Rusiya ordusunun taktiki nüvə silahları ilə təlimlərinin başlanması ilə eyni vaxtda müzakirəyə çıxarılıb. teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar