_99.jpg)
Xəbər lenti
Ukrayna: Biz tezliklə Rusiyaya havada asimmetrik cavab verəcəyik
Yaxın vaxtlarda havada Rusiyaya asimmetrik cavab verəcəyik. Yanan Rusiya təyyarələrinin sayı daha da artacaq"
Manevr.az yerli mediyaya istinadən xəbər verir ki, bunu Ukrayna Baş Qərargah rəisi Oleksandr Sırski deyib.
Sirskiy sosial media hesabından verdiyi açıqlamada Rusiya-Ukrayna müharibəsinin ikinci ili olduğuna diqqət çəkərək, bunun İkinci Dünya Müharibəsindən sonra Avropanın ən böyük müharibəsi olduğunu qeyd edib.
Ukraynanın müharibəyə müqavimət göstərdiyini bildirən Sirski, silah və evakuasiya arasında silahı seçdiklərini, paytaxt Kiyevi və İlan adasını azad etdiklərini xatırladıb.
O Xarkov hücumunun daha sonra həyata keçirildiyini və Xersonun azad edildiyini bildirib.
"Ukrayna da əks-hücuma cəhd etdi, lakin təəssüf ki, obyektiv şərtlər üzündən istənilən nəticə əldə edilə bilmədi. Bu gün də bütün cəbhə boyu düşmənə qarşı mübarizəmizi davam etdiririk",- Sirski deyib
Sirski Rusiyanın hücumlarını dəf etməyə davam edən bütün ukraynalı əsgərlərə təşəkkür edib, həmçinin hərbi dəstək verən beynəlxalq tərəfdaşlara minnətdar olduğunu qeyd edib.
Tezliklə havada Rusiyaya asimmetrik cavab verəcəklərini bildirən Sirski, "Yanan Rusiya təyyarələrinin sayı daha da artacaq. Dövlət rəhbərliyi bunun üçün əlindən gələni edir" deyib.
Ukrayna Hərbi Hava Qüvvələrinin komandanı Nikolay Oleşuk sosial media hesabında etdiyi paylaşımda dünən Rusiyanın “A-50” tipli uzaqmənzilli radar aşkarlayan təyyarəsini vurduqlarını açıqlayıb.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar