ABŞ alimləri süni intellektin insan müdaxiləsi olmadan digər süni intellekt sistemlərini istehsal edə biləcək səviyyəyə çatdığını açıqlayıb: “Qardaşın qardaşını inkişaf etdirməsi kimi”.
Manevr.az xəbər verir ki, ABŞ- da yerləşən süni intellekt şirkəti “Aizip” və nüfuzlu Massaçusets Texnologiya İnstitutunun (MIT) alimlərinin birgə apardıqları araşdırmalar, ChatGPT kimi qabaqcıl dil modellərinə malik süni intellekt sistemlərinin insan köməyi olmadan daha kiçik süni intellekt sistemləri istehsal edə biləcəyini ortaya qoyub.
“Aizip” əməkdaşı Yan Sun “Fox News”a deyib ki, “Biz kiçik modellər yaratmaq üçün qabaqcıl iri AI modellərindən istifadə edirik, necə ki, böyük qardaş kiçik qardaşın inkişafını dəstəkləyir. Biz inanırıq ki, böyük və kiçik süni intellekt sistemləri gələcəkdə tam bir ekosistem yaratmaq üçün birlikdə çalışacaq”.
Kiçik süni intellekt sistemləri evdəki qəhvə maşınlarında, sobalarda, qabyuyan maşınlarda və televizorlarda yerləşdirilə bilər. Yarımkeçirici çiplər üzərində araşdırma aparan “SemiAnalysis” şirkətindən Daylan Patel, ChatGPT-nin işinin gündə 700 min dollara başa gəldiyini bildirib.publika.az