_99.jpg)
Xəbər lenti
Avstraliyada güclü daşqın: Təyyarələr batdı, timsahlar şəhərin ortasında...
Avstraliyanın Kvinslend ştatını daşqınlar vurub.
Manevr.az xarici mətbuata istinadən xəbər verir ki, Kvinslend səlahiyyətliləri, ştatın paytaxtı Brisbanın şimalında yerləşən və təxminən 170 min insanın yaşadığı bir turizm mərkəzi olan Cairns şəhərində güclü yağışların bəzi nöqtələrdə daşqınlara səbəb olduğunu bildirib.
Kvinslendin Baş naziri Stiven Mayls açıqlamasında təbii fəlakəti "xatırlaya biləcəyi ən pis hadisə" kimi xarakterizə edib.
Mayls içməli su, kanalizasiya, elektrik, telekommunikasiya və nəqliyyatdan narahat olduqlarını, havadan dəstək ala bilmədiklərini deyib.
Bölgədən çəkilən görüntülərdə Cairns hava limanında batmış təyyarələr, şəhərin ortasında görünən timsah və qayıqlarla evlərini tərk edən insanlar görünür.
Təbii fəlakət nəticəsində indiyədək ölən və ya ciddi xəsarət alanların olmadığı barədə məlumatı paylaşan Kvinslend polis rəisi Katarina Kerroll bəzi insanların evlərinin damında sıxışıb qaldığını qeyd edib.
Səlahiyyətlilər xilas edilən 300-dən çox insanın vertolyotla bölgədən təxliyyə ediləcəyini açıqlayıb.
Güclü yağışların təsirli olduğu bölgədə bu gündən etibarən dəmir yolu nəqliyyatı dayandırılıb, 14 min ev və iş yeri işıqsız qalıb.
Bölgədə magistral yollarda daşqınlar səbəbindən nəqliyyatda da fasilələr var.
Güclü yağışların daha 24 saat davam edəcəyi gözlənilir.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar