.png)
Xəbər lenti
Fransalı deputat: Qəzzada cinayət törədən fransız əsgərləri ədalət qarşısında cavab verməlidir
Fransanın "İnadkar Fransa” Partiyasından deputat Tomas Portes Qəzzada hərbi cinayətlər törədən Fransa əsilli İsrail əsgərlərinin ədalət qarşısında cavab vermələrini tələb edib.
Manevr.az xəbər verir ki, deputat X sosial media hesabında verdiyi açıqlamada İsrail ordusunda Qəzzada hərbi cinayətlər törədən 4 mindən çox fransız əsgərinin olduğunu bildirib.
“Europe 1” radiosunun apardığı araşdırmaya istinad edən Portes, Qəzzada İsrail ordusunda 4185 fransız əsilli əsgərin xidmət etdiyini, ABŞ əsilli əsgərlərdən sonra ikinci ən çox əsgərin fransız mənşəli olduğunu qeyd edib.
"İsrail ordusunun Qəzza və İordan çayının qərb sahilində törətdiyi hərbi cinayətləri nəzərə alsaq, Fransa vətəndaşlarının bu cinayətlərdə iştirak etməsi qəbuledilməzdir", Portes deyib.
Birləşmiş Millətlər Təşkilatının (BMT) bir çox xüsusi məruzəçi vasitəsilə bölgədəki soyqırım riskinə diqqət çəkdiyini xatırladan Portes, İsrailin 7 oktyabrdan bu yana Qəzzaya təşkil etdiyi hücumlarda 18 mindən çox fələstinlinin öldürüldüyünü vurğulayıb.
Portes, bu fransız vətəndaşlarının bölgədə olmasının Fransanın şərəfinə xələl gətirdiyini ifadə edərək, "Fransa (vətəndaşlarının) bu hərbi cinayətdə iştirakını ən sərt şəkildə qınamalıdır" deyib.
Portes ədliyyə naziri Erik Dupond-Morettidən bölgədə müharibə cinayətləri törətmiş ikili vətəndaşlığı olan Fransa vətəndaşlarının Fransa məhkəməsinə gətirilməsini xahiş edib. “Müstəmləkəçilik insanlığa qarşı cinayət olduğu üçün Fələstin torpaqlarında müstəmləkəçiliyə qatılan Fransa vətəndaşları da ədalət qarşısında əməllərinə görə cavab verməlidirlər”, deputat qeyd edib.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar