.png)
Xəbər lenti
Rusiyanın axtarışa verdiyi məşhur müğənni Türkiyəyə sığındı
2016-cı ildə "Avroviziya" mahnı müsabiqəsində qalib gələn və ölkəsindəki hücumlara görə ailəsi ilə birlikdə Türkiyəyə gələn ukraynalı müğənni Camala Rusiyanın axtarışda olanlar siyahısına salınıb.Rusiya mətbuatı xəbər verir ki, əsl adı Susana Camaladinova olan müğənni haqqında ötən ay həbs qərarı çıxıb. Krım tatarı olan Camala Rusiya ordusu haqqında “yalan məlumat yaymaqda” ittiham olunur. Rusiyanın “Telegram” kanalı “Shot” bildirib ki, Camalanın axtarışa verilməsinə səbəb onun ötən il Rusiyanın Ukraynanın Buça şəhərində mülki əhaliyə qarşı törətdiyi qətliamlarla bağlı paylaşımları olub. Rusiya Ukraynanın paytaxtı Kiyev yaxınlığındakı Buçada mülki əhalinin əsgərləri tərəfindən qətlə yetirildiyinə dair iddiaların “yalan” olduğunu iddia edir.
Həyat yoldaşı və iki uşağı ilə İstanbula gələrək sığınacaq istəyən müğənni başına gələnləri belə izah edib:
"Türkiyəyə qaçqın kimi gələcəyimi heç düşünməmişdim. Həyat yoldaşım məni fevralın 24-ü səhər saat 05:00-da oyadıb, Kiyevə bomba atıldığını söylədi. Əvvəldən nə edəcəyimi bilmədim. Çox çətin idi. Qərarsız idik. Uşaqlarımızı toplayıb sığınacaqlara düşdük. Sonra siren səsi eşidildi. Xəbərdarlıq yenə iki dəfə gəldi və biz yenidən sığınacaqlara enməli olduq. Axşam saatlarına yaxın bütün Ukraynanın mühasirəyə alındığını və müxtəlif şəhərlərdə bomba səslərinin eşidildiyini anladıq. Kiyevi tərk etməli olduq. Qərbi Ukrayna bölgəsinə qaçmaq məcburiyyətində qaldıq".
Qeyd eədk ki, Camala 7 il əvvəl ingilis və tatar dillərində oxuduğu "1944" mahnısı ilə "Avroviziya" mahnı müsabiqəsinin qalibi olub. Mahnı 1940-cı illərdə Sovet İttifaqının o vaxtkı lideri İosif Stalinin göstərişi ilə təxminən 200 min Krım tatarının faşistlərlə əməkdaşlıq etdiyi iddiası ilə öz vətənlərindən deportasiya edilməsindən bəhs edirdi. Rusiya 2014-cü ildə Ukrayna ərazisi olan Krımı ilhaq etdi. Camala isə öz mahnısı ilə Kremlə reaksiya verərək beynəlxalq aləmdə müsəlman Krım tatarlarının açıq dəstəkçisi olub.publika.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar