Əməliyyatın 2-ci mərhələsi başladı: SİZİ GÖZLƏYİRİK!

"Quru qoşunları dünən Qəzzaya girdi, ikinci mərhələ başladı".
Manevr.az. musavat.com-a istinadla xəbər verir ki, bu sözləri İsrailin Baş naziri Benyamin Netanyahu deyib.
O bildirib ki, Müharibə Kabineti yekdilliklə quru əməliyyatı ilə bağlı qərar qəbul edib: "HƏMAS-ı məhv edəcəyik. Onlar oktyabrın 7-də törətdikləri əməllərin əvəzini ödəyəcək".
Bu açıqlamadan əvvəl İsrail ordusu Qəzzanın şimalında olduqlarını və əməliyyata başlamaq üçün əmr gözlədiklərini bəyan etmişdi. 
HƏMAS-ın sözçüsü isə "İsrailin quru əməliyyatı barədə təhdidlərindən" qorxmadıqlarını bildirib: "Buna hazırlaşırdıq. Bunun üçün sizi gözləyirik".
Qeyd edək ki, İsrail ilə HƏMAS arasında qanlı toqquşma 23 gündür davam edir.