Xəbər lenti
Putin separatçıları təbrik etdi
Rusiya Prezidenti Vladimir Putin Gürcüstan ərazisindəki separatçı “Abxaziya Respublikası”nın başçısı Aslan Bjaniyanı “milli bayram” – “qələbə və müstəqillik günü” münasibətilə təbrik edib.
Məlumat Kremlin saytında dərc olunub.
Putin bildirib ki, Rusiya bundan sonra da “Abxaziya Respublikası”nın “hakimiyyət orqanları”na və xalqına aktual sosial-iqtisadi problemlərin həllində, eləcə də milli təhlükəsizliyin təmin edilməsində hər cür yardım göstərmək niyyətindədir.
Putin ikitərəfli münasibətlərin müttəfiqlik və strateji tərəfdaşlıq ruhunda inkişaf etdiyini də vurğulayıb.
Sentyabrın 30-da qondarma “Abxaziya Respublikası” 1992-1993-cü illərdə gürcü-abxaz müharibəsindəki qələbənin 30-cu ildönümünü qeyd edir.
1992-ci il avqustun 14-də Gürcüstan Qvardiyasının silahlı birləşmələri Abxaziya ərazisinə daxil olaraq separatçılıqla mübarizəyə başlayıb. Rusiyanın abxaz separatçılarına dəstəyi və müharibəyə müdaxiləsi Gürcüstanın geri çəkilməsilə nəticələnib. Müharibə 1993-cü il sentyabrın 30-da Gürcüstan Dövlət Şurasının qoşunlarının Abxaziya ərazisindən çıxarılması ilə başa çatıb.
Münaqişənin siyasi yolla həlli cəhdləri nəticə verməyib. Gürcüstan “Abxaziya Respublikası”nı müstəqil dövlət kimi tanımır və onu özünün regionu hesab edir.
Moskva isə 2008-ci il avqustun 26-da “Abxaziya Respublikası”nın suverenliyini tanıyıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar