Ukrayna əsgərləri Krıma girdi

Ukrayna hərbi kəşfiyyat bölmələri xüsusi əməliyyat çərçivəsində müvəqqəti işğal olunmuş Krıma daxil olub.
Ukrayna mediası bildirir ki, bunu bu gün Suspіlnıya şərhində Ukrayna Müdafiə Nazirliyinin Baş Kəşfiyyat İdarəsinin (GUR) nümayəndəsi Andrey Yusov bildirib.
"Xüsusi əməliyyat çərçivəsində şəxsi heyət yarımadanın ərazisinə endirilib. Baş Kəşfiyyat İdarəsi Hərbi Dəniz Qüvvələri ilə birgə xüsusi əməliyyat keçirib", - Yusov deyib.
O, əmin edib ki, şəxsi heyət arasında itki yoxdur və əməliyyat davam edir.
"Biz bütün təfərrüatları açıqlamırıq, düşmənin şəxsi heyəti, eləcə də qüvvə və vasitələri arasında itkilər var. İtkilərin sayı barədə məlumat dəqiqləşdirilir", - Yusov əlavə edib.lent.az