Kalininqrad vilayətində Su-30 qırıcısı qəzaya uğrayıb.

Manevr.az xəbər verir ki, bu barədə TASS Qərb Hərbi Dairəsinin (ZVO) mətbuat xidmətinə istinadən məlumat yayıb.
Qeyd edilir ki, təyyarə təlim uçuşu zamanı boş ərazidə qəzaya uğrayıb.
“Uçuş sursatsız həyata keçirilib. Təyyarənin ekipajı həlak olub”, - deyə ZVO bildirib.
İlkin məlumatlara görə, qəzaya səbəb texniki nasazlıq ola bilər. Digər təfərrüatlar verilmir.
İyulda Su-25 hücum təyyarəsi Krasnodar diyarının Şerbinovski rayonunda qəzaya uğramışdı.