Britaniya kəşfiyyatı Putinin Rusiya Qvardiyası üçün ağır silahlarla bağlı qərarının arxasında nə ola biləcəyini açıqlayıb.

Manevr.az xəbər verir ki, Rusiya prezidentinin ağır silahları Rusiya Qvardiyasının sərəncamına vermək qərarı onun bu strukturu rejimin təhlükəsizliyinin əsas sütunlarından biri kimi gördüyünə işarə edə bilər. Bu barədə Böyük Britaniya Müdafiə Nazirliyinin Rusiya-Ukrayna müharibəsi ilə bağlı 8 avqust tarixli kəşfiyyat icmalında deyilir.
Kəşfiyyat xatırladır ki, Rusiya Qvardiyasının təxminən 200 min əməkdaşı var və ona Putinin keçmiş cangüdəni Viktor Zolotov rəhbərlik edir.
Avqustun 4-də Vladimir Putin Milli Qvardiyanı ağır silahlarla təmin etməyə icazə verən qanunu imzalayıb.
"Zolotovun bu strukturun "Vaqner" üsyanı zamanı “əla” fəaliyyət göstərdiyini iddia etməsinə baxmayaraq, Rusiya Qvardiyasının çevriliş cəhdi zamanı hər hansı təsirli addım atmasına dair heç bir sübut yoxdur", - icmalda qeyd edilir.
Zolotovun əvvəllər ağır silahlara artilleriya və hücum helikopterlərinin də daxil olmasını təklif etdiyini nəzərə alsaq, qərar Kremlin Milli Qvardiyanı rejimin təhlükəsizliyinə zəmanət verməli olan əsas strukturlardan biri kimi gücləndirməsi anlamına gələ bilər.publika.az