Ekvadorda üsyan: 18 ölü, 100-ə yaxın girov

Cənubi Amerika ölkəsi Ekvadorun Quayaquil şəhərində yerləşən ölkənin ən böyük həbsxanası “Litoral”da məhbuslar arasında dava başlayıb.
Manevr.az “Sabah” qəzetinə istinadla xəbər verir ki, dava ilə ilə başlayan hadisə üsyana çevrilib.

Hadisə nəticəsində 18 nəfər həlak olub, 11 nəfər yaralanıb. 
Üsyan ölkənin digər həbsxanalarına da sirayət etdiyi üçün azı 96 mühafizəçi məhbuslar tərəfindən əsir götürülüb. 
53 mühafizəçinin yalnız Kuenka şəhərindəki Turi həbsxanasında girov saxlandığını bildirilib.
Bir çox məhbus aclıq aksiyasına başlayıb.
Ekvador Prezidenti Gilyermo Lasso hadisələrdən sonra ölkədəki bütün həbsxanalarda 60 günlük fövqəladə vəziyyət elan edən fərman imzalayıb.
Ekvador Silahlı Qüvvələri əməliyyat zamanı məhbusların istifadə etdiyi qısa və uzun lüləli silahların, çoxlu sayda sursatın müsadirə edildiyini bildirib.
Məlumata görə, ölkədə fəaliyyət göstərən “Los Tiguerones” və “Los Lobos” cinayətkar dəstələrinə məxsus məhbuslar həbsxanaya nəzarəti ələ keçirmək üçün əlbəyaxa olublar.