Donbas separatçılarının keçmiş hərbi lideri, Rusiya  kəşfiyyatının polkovniki İqor Strelkov (Qirkin) Prezident Vladimir Putini hakimiyyəti bacarıqlı birinə ötürməyə çağırıb.
Manevr.az xəbər verir ki, o Telegram kanalında Putini kəskin tənqid edərək hakimiyyətin məsuliyyətli birinə verilməsini istəyib.
Qirkin deyib ki, 23 il ərzində ölkənin başında rusların əhəmiyyətli bir hissəsinin “gözünə girməyi” bacaran qeyri varlıq var.
Onun fikrincə, Putinin indiki şəraitdə ölkəsi üçün edə biləcəyi yeganə şey könüllü olaraq istefaya getməsi və hakimiyyəti məsuliyyətli şəxsə ötürməsidir. Eyni zamanda, Qirkin hesab edir ki, Putin indiki şəraitdə buna getməyəcək.konkret.az