"Azov" alayının komandirləri cəbhəyə qayıtmaq niyyətindədirlər.
Manevr.az "report"a istinadən xəbər verir ki, bu barədə hərbi birləşmənin komandirlərindən biri Denis Prokopenko Lvovda jurnalistlərə açıqlamasında bildirib.
"Biz hələ döyüşdə öz sözümüzü deyəcəyik", - o qeyd edib.Döyüş əməliyyatları ilə bağlı aydınlaşdırıcı suala o belə cavab verib: "Biz elə ona görə qayıtmışıq".
Ukrayna Prezidenti Volodimir Zelenski "azov"çuların qayıdışı ilə bağlı təfərrüat verməkdən yayınıb: "Elə şeylər var ki, təfərrüatlar gələcək nəticələrə mane olur".
Xatırladaq ki, Volodimir Zelenski Ankaraya səfər edib Prezident Rəcəb Tayyib Ərdoğanla görüşdükdən sonra "Azov" komandirləri Türkiyədən Ukraynaya qaytarılıb. Kremlin sözçüsü Dmitri Peskov bunun razılaşmalara zidd olaraq edildiyini bildirsə də, nə Ukrayna, nə də Türkiyə tərəfi onun bu açıqlamasına münasibət bildirib.