Manevr.az-ın xəbərinə görə, məsələ ilə bağlı güneyli politoloq Əli Zəmani Publika.az-a açıqlamasında qeyd edib ki, son 10 ildə İranda çox ciddi iqtisadi problemlər yaşanır:
“Hazırda İran təkcə qaz qıtlığından əziyyət çəkmir. Həmçinin qidanın az olması da ölkədə hökm sürür. Demək olar ki, ət, toyuq, buğda və çörək tapılmır. Bütün bunlar İrana tətbiq olunan sanksiyaların göstəriciləridir. İran qaz yatağına sahib olmasına baxmayaraq? qaz istehsal edə bilmir. Bunun da əziyyətini əhali çəkir”.
Politoloqun sözlərinə görə, İranda olan çaxnaşmaların ən böyük səbəbi iqtisadi promlemlərdir:
“İnsanların rifah səviyyəsi çox aşağıdır. Hakimiyyət artıq etirazların öhdəsindən gələ bilmir. Müəllimlər, həkimlər, mühəndislər və dövlətdən maaş alan müxtəlif təbəqədən olan insanlar ciddi şəkildə öz narazılığını bildirirlər. İran ən diktator və qəddar dövlətdir. Lakin insanlar öz haqlarını tələb etməkdən əl çəkmirlər. Təəssüf ki, İslam dinindən istifadə edərək insanları əzməyə çalışırlar. Bəzi etirazçıları asi olmaqda, yəni Allaha itaət etməməkdə günahlandırıb edam edirlər. Halbuki o insanlar haqq və ədalət istəyirlər. Nə Allaha qarşıdırlar, nə də dinə”.
Əli Zəmani bildirib ki, ümumiyyətlə İranın ölkəmizə qarşı birmənalı münasibətinin olmamasına səbəb orada yaşayan 40 milyon Azərbaycan türkünün varlığıdır. İran Azərbaycan dövlətinin müstəqilliyindən, dünyada artan qüdrətindən qorxaraq, bunu həzm edə bilmir.