.png)
Xəbər lenti
İngiltərə Moldovaya 10,5 milyon funt sterlinq yardım edəcək
Böyük Britaniyanın baş naziri Sunak Ukraynalı qaçqınlar üçün Moldovaya 10,5 milyon funt sterlinq dəyərində yeni dəstək paketi təqdim edib.
Manevr.az xarici mətbuata istinadən xəbər verir ki, Rişi Sunak Avropa Siyasi Birliyinin (AST) Zirvə Toplantısı üçün olduğu Moldovada təmasları ilə bağlı açıqlamalar verib.
"Moldovaya səfər edən ilk İngiltərə Baş naziri olaraq, Rusiyanın təcavüzü qarşısında Moldovaya dəstək paketini elan etməkdən xoşbəxtəm. Moldova tək deyil",- Sunak Twitter hesabından verdiyi açıqlamada qeyd edib.
Sunak AST zirvəsi ilə bağlı Baş nazirliyin 10 nömrəli ofisindən verilən açıqlamada Moldovaya ediləcək yardım paketinin təfərrüatlarını paylaşıb.
Avropanın ən yoxsul ölkəsi olan Moldovanın əhalisi ilə müqayisədə ən çox immiqrantı qəbul edən dövlət olduğuna diqqət çəkən Sunak bildirib ki, Rusiyanın Dnestryanı bölgəsində qeyri-qanuni hərbi varlığından tutmuş, bu ilin əvvəlində ortaya çıxan çevriliş cəhdinə qədər Moldova, daim rus təcavüzünə məruz qalır.
Baş nazir İngiltərənin Moldovaya mart ayında enerji başda olmaqla bir çox sektorda islahatlar üçün 10 milyon , Ukraynalı qaçqınlar üçün 12,5 milyon funt sterlinq yardım edildiyini bildirib. Yardımlar Birləşmiş Millətlər Təşkilatının təsisatları ilə çatdırılıb.
Sunak, bugünkü paketdə 10,5 milyon funt sterlinq yardım göstəriləcəyini və bu çərçivədə ukraynalı qaçqın qadın və uşaqlara dəstək veriləcəyini vurğulayıb.
Sevinc
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar