.png)
Manevr.az xəbər verir ki, yerli medianın məlumatına görə, ABŞ tərəfindən Ukraynaya verilən təkmilləşdirilmiş “Patriot” hava hücumundan müdafiə sistemləri vasitəsilə Rusiyanın Kh-47M2 “Kinjal” hücum raketi vurulub.
Rusiya müdafiə qüvvələrinin məlumatına əsasən, raket səsdən 10 dəfə yüksək sürətlə uçuş qabiliyyətinə sahibdir. Belə bir raketin “Patriot” raketləri ilə vurulması Rusiyanın “Kinjal” raketləri ilə bağlı yaratdığı mifi dağıtmış oldu.
Qeyd edək ki, Kh-47M2 “Kinjal” raketinin vurulmasının fraqmentlərini əks etdirdiyi iddia edilən görüntülər Ukraynanın “Defence Ekspress” nəşri tərəfindən yayımlanıb. Vurulan raketin qalıqları Kiyevdəki boş futbol stadionuna düşüb.
Ukrayna Hərbi Hava Qüvvələrinin rəsmiləri yerli medianın yaydığı məlumatları şərh etməkdən imtina ediblər.
Xatırladaq ki, Rusiya ordusu “Kinjal”dan ilk dəfə ötən il martın 29-da Ukraynada döyüşdə istifadə edib. O zaman raket yanacaq anbarına zərbə endirmək üçün istifadə edilib. Rusiyanın iddialarına görə, raket Qərbin ən qabaqcıl hava hücumundan müdafiə sistemləri tərəfindən vurula bilməz.sfera.az
Manevr.az
.jpg)
