_99.jpg)
Xəbər lenti
Aİ: Rusiyanın mülki şəxslərə hücumları müharibə cinayətidir
Avropa İttifaqı (Aİ) Rusiyanın səhər saatlarında Ukraynanın bəzi şəhərlərinə təşkil etdiyi hava hücumlarında mülki şəxslərin hədəf alındığını, mülki şəxslərə qarşı hücumların müharibə cinayəti təşkil etdiyini və səbəbkarların məsuliyyətə cəlb ediləcəyini açıqlayıb.
Manevr.az-ın xarici mediaya istinadən xəbərinə görə, Aİ Komissiyasının xarici əlaqələr üzrə sözçüsü Peter Stano mətbuat konfransında bildirib ki, hücumlar zamanı aralarında uşaqların da olduğu mülki vətəndaşlar ölüb və ya yaralanıb.
Müharibə başlayandan bəri Rusiyanın, xüsusilə Ukraynanın cəbhəyə yaxın şəhər və qəsəbələrində mülki əhalini və mülki infrastrukturu hədəf aldığını bildirən Stano, qəlpə parçalarının məktəblərdəki uşaqlar kimi bir çox mülki vətəndaşa təsir etdiyini bildirib.
Stano əlində tutduğu qəlpəni göstərərək, hər partlayışdan sonra havaya atılan bomba parçalarının unudulmaması üçün açar zəncirinə çevrildiyini deyib.
"Rusiyanın mülki əhaliyə və mülki infrastruktura hücumları müharibə cinayətlərini təşkil edir. Hücumun əmrini verənlər, hücumları təşkil edənlər və onların işbirlikçiləri cəzasız qalmayacaqlar. Onların hamısı cavab verəcək",- Stano vurğulayıb.
Qeyd edək ki, Rusiya ordusu səhər saatlarında Ukraynanın paytaxtı Kiyev də daxil olmaqla Dnepr, Uman və Ukrainka şəhərlərinə raket və pilotsuz uçuş aparatları ilə intensiv hücumlar həyata keçirib. Umanda mənzillərə raketlərin düşdüyü və hücumlarda aralarında uşaqların da olduğu 10 nəfərin həyatını itirdiyi açıqlanıb.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar