.png)
Xəbər lenti
Trkiyədəki seçkilərlə bağlı xaricdə səsvermə başlayıb
Türkiyədə prezident və 28-ci dönəm deputatlarının müəyyənləşəcəyi 14 may seçkilərinə sayılı günlər qalıb. Seçki təqvimi irəliləyir.
Manevr.az Türkiyə mətbuatına istinadən xəbər verir ki, bu gün saat 08:00-dan etibarən xarici nümayəndəliklərdə və gömrük qapılarında səsvermə prosesi başlayıb.
Fevralın 6-da mərkəzi Kahramanmaraş olan 11 vilayətdə baş verən zəlzələlər səbəbindən yeni tədbirlərlə keçirilən seçkilərə 17 gün qalıb.
Bu seçkidə 5 il fəaliyyət göstərəcək prezident və parlamentin yeni üzvləri müəyyənləşəcək.
Rəcəb Tayyib Ərdoğan, Məhərrəm İncə, Kamal Kılıçdaroğlu və Sinan Oğan seçkidə prezidentliyə namizəd kimi yarışacaq.
Türkiyə üzrə ümumi parlament seçkilərinə 24 siyasi partiya və 151 müstəqil deputat namizədi qatılacaq.
Bəzi siyasi partiyalar “Cümhuriyyət”, “Millət”, “Ata”, “Əmək və Azadlıq” və “Sosialist Güc Birliyi” ittifaqları adı altında 5 fərqli ittifaqla seçkilərə girməyə qərar verib.
Bu çərçivədə AK Partiya, MHP, BBP və Yenidən Rifah Partiyası “Xalq ittifaqı” adı ilə seçkilərə qatılır.
“Millət Alyansı” CHP, Yaxşı Partiya, Səadət Partiyası, Gələcək Partiyası, Demokratiya və Atılım Partiyası (DEVA Partiyası) və Demokrat Partiyası tərəfindən yaradılıb.
Yaşıllar və Sol Gələcək Partiyası (Yaşıl Sol Partiya) və Türkiyə İşçi Partiyası (TİP) "Əmək və Azadlıq İttifaqı" adı altında seçkilərdə iştirak edir. Konstitusiya Məhkəməsində açılan iddiası davam edən HDP də Yaşıl Sol Partiyasının siyahılarından seçkilərə qatılır.
Zəfər Partiyası və Ədalət Partiyası “Ata” ittifaqı, Türkiyə Kommunist Partiyası, Türkiyə Kommunist Hərəkatı və Sol Partiya isə “Sosialist Qüvvələr Birliyi” adı ilə seçkilərdə iştirak edir.
Ölkə daxilində və xaricdə ümumilikdə 64 milyon 113 min 941 seçici səs verəcək. 4 milyon 904 min 672 seçici ölkədə ilk dəfə səs verəcək. Həbsxanada olan və ehtiyatsızlıqdan cinayət törətməkdə təqsirli bilinən seçicilərin sayı 53 min 172 nəfərdir.
Sevinc
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar