Xəbər lenti
Tehran məhkəməsi ABŞ-ı 312 milyon dollar təzminat ödəməyə məcbur edib
Tehran məhkəməsi hökuməti, bir sıra strukturları və ABŞ rəsmilərini 2017-ci il iyunun 7-də İran parlamentində və İmam Xomeyni məqbərəsində törədilən terror aktları nəticəsində zərər çəkmiş yaxınlarına 312 milyon 950 min dollar məbləğində təzminat ödəməyə məcbur edib.
Manevr.az "İrna"ya istinadən xəbər verir ki, 2017-ci il iyunun 7-də səhər saatlarında dörd naməlum şəxs Tehranda yerləşən İran parlamentinin binasına hücum edib. Onlar təhlükəsizlik işçiləri də daxil olmaqla, atəş açaraq parlamentə girməyə cəhd ediblər. Atışma nəticəsində İslam İnqilabı Keşikçiləri Korpusunun (SEPAH) iki nümayəndəsi və on mülki şəxs yaralanıb. Demək olar ki, eyni vaxtda Tehranın əsas görməli yerlərindən birinə - İmam Xomeyninin məqbərəsinə hücum barədə xəbər yayılıb. Dörd hücumçu məqbərəyə gələnlərə güclü atəş açıb, ikisi ölüb, on nəfər yaralanıb. Bundan sonra onlardan biri məqbərə ilə üzbəüz polis bölməsində “intihar kəməri”ni partladıb.
2017-ci il iyunun 7-də parlament binasında və İmam Xomeyni məqbərəsində baş vermiş bu terror aktlarından zərər çəkmiş qohumlara verilən təzminatın məbləği 312 milyon 950 min dollar təşkil edib.
Qərar aprelin 26-da Tehran məhkəməsi tərəfindən qəbul edilib. ABŞ-ın 17 nəfərin ölümünə görə də məsuliyyət daşıdığı məlum olub. Məhz bu qədər adamın ailələri məhkəməyə müraciət ediblər. Nyu-York federal məhkəməsi hələ 2011-ci ildə İranın terrorçulara maddi yardım etdiyini müəyyən edib. Terror aktları nəticəsində dəyən maddi ziyana görə 9,9 milyon dollar, həlak olanların ailələrinə 104 milyon dollar təzminat təyin edilib.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar