Manevr.az xəbər verir ki, ölkənin ədliyyə naziri Rati Breqadze etiraf edib ki, bu gün ölkə informasiya hücumlarına məruz qalır.
O qeyd edib ki, zəhərlənməsi ilə bağlı ölkənin keçmiş liderinin yüksək səslə dilə gətirdiyi “hekayə” istisnadır, çünki Saakaşvilinin qanında olan o metalların miqdarı normaldır.
“Bütün hekayə onu göstərir ki, dövlətə qarşı milyonlarla dollar kampaniyası uğursuzluqla başa çatıb”, - Breqadze əlavə edib.
Bununla yanaşı, nazir vurğulayıb ki, bu gün Gürcüstan dövlətə qarşı kampaniya ilə üz-üzədir və bu kampaniyanı gürcü cəmiyyəti izləyir. Nazirin sözlərinə görə, bu gün ölkəni gözdən salmaq planlaşdırılır.
“Məqsəd vəziyyəti elə təqdim etməkdir ki, guya Saakaşvili zəhərlənib və ya kimsə ona işgəncə verir və ya onun bəzi hüquqlarını pozur, bu, tamamilə yalandır və həqiqətə uyğun gəlmir. Eks-prezidentə artıq bir neçə dəfə toksikoloji ekspertiza keçirmək təklif olunub, Saakaşvili bundan imtina edib. Əgər insan zəhərlənibsə və onun sağlamlığı üçün təhlükə yarana bilərsə, o zaman niyə o, həqiqətin üzə çıxarılmasında və adekvat müalicə olunmasında maraqlı deyil? Burada isə hesab edirəm ki, əhali üçün mənzərə kifayət qədər aydındır”, - deyə nazir yekunlaşdırıb.publika.az