Manevr.az xəbər verir ki, Almaniya kansleri Olaf Şolts Ermənistan və Azərbaycanın ərazi bütövlüyü prinsipi əsasında münaqişənin sülh yolu ilə həllinə nail oluna biləcəyi mövqeyini izah edib. Bu barədə Olaf Şolts və Ermənistanın baş naziri Nikol Paşinyanın iki ölkə arasında ikitərəfli münasibətlərin dərinləşdirilməsi ilə bağlı fikir mübadiləsi haqqında Almaniya hökumətinin mətbuat xidmətinin dərc etdiyi yazıda məlumat verilir.
“Ofisdə keçirilən birgə danışıqlarda Ermənistanda islahatlar prosesi, Rusiyanın Ukraynaya qarşı təcavüzkar müharibəsi və Azərbaycanla Ermənistanın ərazi bütövlüyü müzakirə edilib”, - məlumatda deyilir.
Qeyd edək ki, erməni mənbələri iddia edirdlər ki, Şolts Dağlıq Qarabağ haqda danışarkən guya xalqların öz müqəddəratını müəyyən etməsi barədə danışıb. Hətta separatçı Arutyunyan buna görə ona təşəkkür də etmişdi. Amma indi məlum olur ki, Şolts belə söz deməyib.
Şübhəsiz ki, bu durum ermənilərə böyük məyusluq yaşadıb. Böyük ehtimalla, ermənilər Şoltsun fikirlərini təhrif edərək yayıblar. Amma saxtakarlıqlarının ömrü heç 2 gün də çəkmədi, faş oldu.publika.az