_99.jpg)
Xəbər lenti
İtalyanların əksəriyyəti Ukraynaya silah göndərilməsinin əleyhinədir
Euromedia İnstitutunun keçirdiyi sorğu göstərib ki, italyanların əksəriyyəti Ukraynaya silah göndərilməsinin əleyhinədir.
Manevr.az "lenta.ru"ya istinadən xəbər verir ki, bu barədə “La Stampa” nəşri məlumat yayıb.
Qeyd olunur ki, respondentlərin 52 faizi texnikanın Kiyevə çatdırılmasının əleyhinə olub. Eyni zamanda, 33,9 faiz Ukraynanın Almaniyanın Leopard tankları ilə dəstəklənməli olduğunu bildirib.
Ölkə vətəndaşlarına NATO-nun müdaxiləsi ilə bağlı da sual verilib. Respondentlərin 68 faizi hesab edir ki, alyans baş verənlərdən uzaq durmalıdır.
Respondentlərin 78,2 faizi etiraf edib ki, Ukraynadakı münaqişə onlardan uzaq bir şey kimi görünür. Bununla belə, gənclər vəziyyətə daha kəskin reaksiya verirlər. Gənc italyanlar arasında 15,8 faiz döyüş əməliyyatlarının yaxınlaşmasını hiss etdiyini, sorğuda iştirak edənlərin 51 faizi isə artıq yaxın olduğunu bildirib.
Bundan əvvəl İtaliya və Fransa hökumətləri təxminən 700 Aster-30 zenit-raket kompleksinin alınması və onların bir hissəsinin Kiyevə təhvil verilməsi barədə razılığa gəliblər. Yanvarın 27-də İtaliyanın müdafiə naziri Guido Crosetto və fransalı həmkarı Sebastien Lecornu Romada keçirilən görüşdə Ukrayna tərəfinə hava hücumundan müdafiə sistemlərinin tədarükü ilə bağlı texniki detalları müzakirə ediblər. Danışıqlar zamanı Aster-30 raketlərindən istifadə edən SAMP-T hava hücumundan müdafiə sistemi üçün yeni akkumulyatorların istehsalına razılıq verilib.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar