Xəbər lenti
ABŞ və Ukrayna Rusiyanın atəşkəs təklifini rədd edir
ABŞ və Ukrayna Rusiyanın atəşkəs təklifini qəbul etmir.
Manevr.az-ın xarici mətbuata istinadən xəbərinə görə, ABŞ prezidenti Co Bayden hesab edir ki, Rusiyanın Ukraynada Pravoslav Milad bayramı ilə bağlı təklif etdiyi atəşkəs “bir az oksigen əldə etmək cəhdidir”.
Daha əvvəl xəbər verildiyi kimi, Rusiya prezidenti Vladimir Putin Ukraynada tərəflər arasında bütün hərbi təmas xətti boyunca atəşkəs rejiminin tətbiqi barədə göstəriş verib.
“Müqəddəs Patriarx Kirillin müraciətini nəzərə alaraq, Rusiya Federasiyasının Müdafiə nazirinə 6 yanvar 2023-cü il saat 12:00-dan 24:00-dək Ukraynada tərəflər arasında bütün təmas xətti boyunca atəşkəs rejimini tətbiq etməyi tapşırıram. 7 yanvar 2023-cü il. Döyüş bölgələrində pravoslavlığı qəbul edən çoxlu sayda vətəndaşın yaşadığını əsas götürərək, biz Ukrayna tərəfini atəşkəs elan etməyə və onlara Milad ərəfəsində, eləcə də Milad günü mərasimlərdə iştirak etmək imkanı verməyə çağırırıq",-deyə Putin bildirib.
Ukrayna atəşkəs təklifini rədd edərək bildirib ki, Moskva "qüvvələrlərini işğal olunmuş torpaqlardan çıxarmayana qədər" atəşkəs olmayacaq. Ukrayna prezidenti Vladimir Zelenski deyib: “Onlar indi Milad bayramından qısa müddətə də olsa, Donbassdakı irəliləyişlərini dayandırmaq, texnika, sursat və səfərbər edilmiş qoşunları mövqelərimizə yaxınlaşdırmaq üçün istifadə etmək istəyirlər”.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar