Ermənistanın ikinci ordu korpusunun keçmiş komandiri, Baş Qərargahın Kəşfiyyat İdarəsinin sabiq rəhbəri general-mayor Araik Arutyunyan həbs edilib.
Manevr.az Axar.az-a istinadən xəbər verir ki, erməni mediası onun həbsinin detallarını yazıb.
Bildirilir ki, o, 15 dekabrda həbs olunub.
Cinayət işi ilə bağlı dekabrın 14-də məlumat verilib, lakin prokurorluğun rəsmi məlumatında təqsirləndirilən şəxsin adı, eləcə də vəzifəsi göstərilməyib. Daha sonra istintaq orqanı bildirib ki, Ermənistan ordusunun düşmənin hücumunu dayandırmaq imkanından məhrum edilməsinə səbəb olan hərbi hissələrindən birinin komandiri barədə 12 may 2021-ci il tarixdə cinayət işi açılıb.
Arutyunyan xüsusilə aprelin 5-də döyüş növbətçiliyi ilə bağlı verdiyi əmrin yerinə yetirilmədiyini bilərək günahkarların cəzalandırılması və vəziyyəti düzəltmək üçün tədbir görməyib. Göstərilən istiqamətlər onun tabeliyində olan 2-ci Korpusun məsuliyyət zonasında olduğuna görə Arutyunyana qarşı iş başlanıb.
Qeyd edilib ki, bundan sonra o, Baş Qərargahın Baş Kəşfiyyat İdarəsinin rəisi təyin edilib. O, bu vəzifədə bir neçə ay işləyib.