Rusiya, Ermənistan və Azərbaycan liderlərinin üçtərəfli görüşü hələ razılaşdırılmayıb.
Manevr.az xəbər verir ki, bunu jurnalistlərə Rusiya Federasiyası Prezidentinin mətbuat katibi Dmitri Peskov deyib.
"Hələlik bu məsələ ilə bağlı konkret razılaşmalar yoxdur. Eyni zamanda, bildiyiniz kimi, MDB-yə üzv dövlətlərin başçılarının qeyri-rəsmi görüşü nəzərdə tutulub. Burada üç liderin ən azı sammit çərçivəsində məsələ ilə bağlı danışmaq imkanı olacaq”, – Peskov bildirib.
Xatırladaq ki, oktyabrın 31-də Soçidə Ermənistan, Rusiya və Azərbaycan liderləri - Nikol Paşinyan, Vladimir Putin və İlham Əliyevin iştirakı ilə üçtərəfli sammit keçirilib. Danışıqların yekunu üzrə birgə bəyanat qəbul edilib.publika.az