Erməni millətçiləri Rusiyanın Qarabağdakı sülhməramlı kontingentinin komandiri general Volkovu öldürməklə hədələyiblər.
Manevr.az xəbər verir ki, radikal erməni millətçiləri Andrey Volkovun sülhməramlıların Azərbaycan yer adlarından istifadə etdiyini bildirdiyi müsahibəsindən narazılıqlarını bildiriblər. Onlar generala eyham vurublar ki, Rusiya Baş nazirinin müavini Polyaniçko Şimali Osetiyada bir qrup erməni silahlısının ona hücumu nəticəsində həlak olub və bu, onu da gözləyə bilər.

Qeyd edək ki,  Polyaniçko 1988–1991-ci illərdə Azərbaycan Kommunist Partiyasının ikinci katibi vəzifəsində çalışıb. 1990-cı ildə Qarabağda təşkil olunan xüsusi komitənin başçısı təyin olunub. Azərbaycanlılar bu dövrdə Viktoru erməniləri dəstəkləməkdə, ermənilər isə onu azərbaycanlıları dəstəkləməkdə ittiham edirdilər. Xankəndidə işlədiyi dövrdə ona qarşı ermənilər tərəfindən bir neçə sui-qəsd təşkil olunub.
1991-ci ilin avqust ayında Moskvada baş verən və uğursuzluğa uğrayan hakimiyyət çevrilişinə cəhddən sonra Viktor Polyaniçko bütün vəzifələrini itirir və Moskvaya qayıdır. İl yarımdan sonra Polyaniçko Yeltsinin əmri ilə Şimali Osetiya və İnquşetiyaya müvəqqəti canişin təyin olunub.
Viktor Polyaniçko 1 avqust 1993-cü ildə Şimali Osetiyada öz xidməti maşınında inquş döyüşçülərinin rəhbərləri ilə görüşə gedərkən hücuma məruz qalıb və güllələnərək öldürülüb./konkret.az