Erməni deputat mandatdan imtina edir

Müxalifət “Ermənistan” blokundan olan deputat Aram Vardevanyan silahdaşlarının onu razı salmaq cəhdlərinə baxmayaraq, mandatını tərk etmək niyyətindədir. 
Manevr.az xəbər verir ki, bu barədə “Hraparak” yazır.

“Keçən həftə bir çox müxalifət deputatları parlamentə qayıtdı, lakin Vardevanyan parlamentə gəlmədi. Robert Köçəryanın keçmiş vəkili müxalifətin parlamentə qayıtmasına qarşı çıxan fraksiya qanadındandır. Vahe Akopyan və digər fraksiya üzvləri də geri qayıtmağın əleyhinədirlər. Ona görə də keçən həftə parlamentə gəlməyiblər, lakin onlar öz mandatlarından imtina etmək fikrində deyillər”, - deyə qəzet yazıb.
Xatırladaq ki, bir müddət əvvəl politoloq Artur Qazinyan və Meqri şəhərinin keçmiş meri Mxitar Zakaryan parlamentdə işləməyi məqsədəuyğun sayaraq mandatlarından istefa veriblər.ölkə.az