İstanbulda partlayış törədən şəxs PKK ilə əlaqəsini etiraf etdi

İstanbulda baş verən partlayışla əlaqədar saxlanılan şəxsin kimliyi məlum olub və o, PKK ilə əlaqəsi olduğunu etiraf edib.
Bu barədə İstanbul polis idarəsindən bildirilib.

Vurğulanıb ki, Ahlam Albashır Suriya əsillidir.
Bundan əlavə, Türkiyə KİV-i həmçinin qadının hadisə yerindən qaçdığı anın görüntülərini yayıb.
Qeyd edək ki, dünən İstanbulda baş vermiş partlayış nəticəsində 6 nəfər ölüb, 81 nəfər yaralanıb. Məlumata görə, terror aktını törətməkdə şübhəli bilinən şəxslər saxlanılıblar.