Dünyanın ən hündürboy qadını təyyarədə uçdu

Dünyanın ən hündür qadını ilk dəfə aviaşirkət onun üçün altı ekonom oturacaq çıxardıqdan sonra təyyarə ilə uça bilib.
 
Manevr.az xəbər verir ki, boyu 2 metr 43 santimetr olan Rumeysa Helqi ötən il Ginnesin Rekordlar Kitabı tərəfindən dünyanın ən uzun qadını seçilib.
 
“MailOnline” xəbər verir ki, Türkiyə Hava Yolları təyyarələrindən birini sentyabr ayında San-Fransiskoya uça bilməsi üçün uyğunlaşdırıb, altı oturacağı söküb və 13 saatlıq uçuşda səyahət edə bilməsi üçün onları xüsusi xərəklərlə əvəz edib.
 
24 yaşlı Helqi, sümük böyüməsinə səbəb olan Weaver sindromu adlanan bir vəziyyətin yaratdığı boyuna görə əvvəllər heç vaxt təyyarə ilə uça bilməmişdi. Nəşrin yazdığına görə, o, uşaq ikən də təyyarə oturacağına sığmayacaq qədər böyük idi.
 

Ümumiyyətlə, vəziyyətinə görə hərəkət etmək üçün əlil arabasından və ya gəzinti aparatından istifadə edir.
Helqi eyni zamanda dünyanın ən böyük əlləri, ən uzun barmağı və ən uzun kürəyi olan qadınlar arasında rekordçudur. (lent.az)