Saakaşvilinin xanımı OD PÜSKÜRDÜ: Satqınlar!

Gürcüstanın üçüncü prezidentinin xanımı və Ukrayna Ali Radasının deputatı Liza Yasko sosial şəbəkə hesabında Mixail Saakaşvilinin bir illik həbsinə münasibət bildirib. 
 
Manevr.az xəbər verir ki, o, Saakaşvilinin ətrafında güvəndiyi insanların satqın olduğunu yazıb.
 
Liza Yaskonun sözlərinə görə, əvvəldən bu satqınları bilsəydi, Saakaşvilinin Gürcüstana gəlişinə dəstək verməzdi:
 
“Oktyabrın 1-i mənim üçün dəhşətli gündür. Artıq bir ildir ki, mənim üçün əziz olan Mixail Saakaşvili Gürcüstanda siyasi məhbusdur. Saakaşvilinin ətrafında bu qədər xəyanətkar olduğunu bilsəydim, mən onun Gürcüstana getmək qərarını dəstəkləməzdim".
 
Eks-prezidentin xanımının fikrincə, bu günə qədər, hətta ağır fiziki və emosional vəziyyətində belə, ona sadəcə bir insan kimi deyil, sadəcə bir siyasətçi kimi baxırlar:
 
"Onun vətəni, xalqı üçün ürəyi ağrıyırdı. O, böyük müharibənin baş verə biləcəyini hiss etdi və inanırdı ki, onun tarixi rolu Gürcüstanın uğur qazanması üçün hər şeyi etməkdir. Bu bir il ərzində bir çox insanlar Mixail Saakaşvili adından onun icazəsi olmadan öz zənginləşmələri və diqqətləri üçün istifadə etdilər. Artıq bir ildir ki, onun dünya haqqında real mənzərəsi yoxdur. Onun interneti, telefonu yoxdur. Onun məlumat mənbəyi bəzi kanalları göstərən televiziyadır".
 
Liza Yasko sözlərinə belə davam edib:
 
"Ancaq dəhşətli bir şey baş verdi. Sadəcə bir şeyi deyim - Saakaşvilinin ən böyük səhvi insanlara güvənməkdir, həm də pis insanlara. Amma bəlkə də bu barədə tarixi prizmadan danışmaq daha yaxşıdır. Amma bunu edənlər cəzalandırılacaq. Onu aldatdılar, çünki onun çox mehriban olduğunu bir daha anladılar. O, isə onlara güvəndi. Mən onu qoruyacağam necə ki, o, hər dəqiqə Ukrayna üçün dua edir"./modern.az