Putinin təlimlərdə general gödəkçəsi geyməsi müzakirələrə SƏBƏB OLDU

Putinin təlimlərdə general gödəkçəsi geyməsi müzakirələrə səbəb olub. Sosial şəbəkə istifadəçiləri bunun general rütbəsinə doğru bir addım olduğunu iddia ediblər.
Manevr.az konkret.az-a istinadən xəbər verir ki, Rusiya Prezidentinin mətbuat katibi Dmitri Peskov məsələyə aydınlıq gətirib. O deyib ki, bu cür geyim forması üçün başqa səbəb yoxdur.
Onun sözlərinə görə, Rusiya Prezidenti Vladimir Putinin “Vostok-2022” təlimlərində hərbi geyimdə görünməsi özünü soyuqdan və yağışdan qorumaq zərurəti ilə bağlı olub,
“Prezident hərbi formada deyildi, əynində hərbi gödəkçə vardı. Bu isə havanın çox soyuq olması və yağışın yağması ilə bağlıdır”, -deyə Kreml nümayəndəsi bildirib.
Xatırladaq ki, “Vostok-2022” manevrləri sentyabrın 1-dən 7-dək baş tutub. Təlimlərdə Kollektiv Təhlükəsizlik Müqaviləsi Təşkilatı (KTMT) və Şanxay Əməkdaşlıq Təşkilatının (ŞƏT) hərbi kontingentləri iştirak ediblər. Orta Asiya ölkələrindən Qazaxıstan, Qırğızıstan və Tacikistan iştirak edib. Ümumilikdə, Müdafiə Nazirliyinin məlumatına görə, təlimlərə 50 mindən çox döyüşçü cəlb olunub.
Sentyabrın 6-da Rusiya Prezidenti Vladimir Putin, müdafiə naziri Sergey Şoyqu və RF Silahlı Qüvvələrinin Baş Qərargah rəisi Valeri Gerasimov təlimlərə baş çəkiblər.
Bundan əvvəl onlar manevrlərin təşkil olunduğu Sergeyevski poliqonunun yaxınlığında qapalı iclas keçiriblər.