_99.jpg)
Xəbər lenti
Rusiyadan açıq hədə: "Bu, Estoniya dövlətçiliyinə təhlükədir"
Rusiya Xarici İşlər Nazirliyinin rəsmi nümayəndəsi Mariya Zaxarova Estoniya hakimiyyətini respublikanın dövlətçiliyinə birbaşa təhdiddə ittiham edib.
Rusiya Federasiyası Xarici İşlər Nazirliyinin mətbuat xidmətinin rəhbəri bu barədə telegram-kanalında qeyd edib. O bildirib ki, bunu ölkənin xarici işlər naziri Urmas Reinsalunun sovet abidələrinin sökülməsinə qarşı çıxan əcnəbilərin yaşayış icazəsindən məhrum edilməsini təklif edən sözləri sübut edir.“Bu, hökumət rəsmisinin birbaşa təhdididir. Təhdid təkcə söz azadlığına, plüralizmə, tarixi həqiqətə, insan hüquq və azadlıqlarına qarşı deyil. Bu, 40 ildir demokratik nümunələrlə qurulmuş Estoniya dövlətçiliyinə təhlükədir. Demokratiyanın fundamental prinsipləri anqlo-sakson metropoliyasının iradəsinin aparıcı qüvvələrindən olan eston siyasətçiləri tərəfindən sarsıdılıb”,- deyə Zaxarova qeyd edib.
Digər iki Baltikyanı ölkədə olduğu kimi Estoniyada da Rusiyanın Ukraynada hərbi xüsusi əməliyyatına başlaması ilə sovet mirasına qarşı mübarizə daha da güclənib. Hakimiyyət orqanlarının qərarı ilə SSRİ dövründən qalan bir sıra abidələr məhv olmaq təhlükəsi altına düşüb. Eyni zamanda, Estoniyanın bəzi şəhərlərində belə həmin addımların atılması etirazlara səbəb olub.
Bundan əvvəl bildirilmişdi ki, Estoniya hökuməti şəhər sakinlərinin narazılığına baxmayaraq "T-34" abidə tankını Narvadan Estoniya Müharibə Muzeyinə keçirmək qərarına gəlib.
Qeyd edək ki,Estoniya hökuməti İkinci Dünya müharibəsi zamanı həlak olmuş sovet əsgərlərinin xatirəsinə ucaldılan bütün abidələri ölkə ərazisindən götürmək qərarına gəlib. Bu barədə respublikanın Baş naziri Kaya Kallas mətbuat konfransı zamanı məlumat verib.
Nazir respublikanın hakimiyyət orqanlarının bununla bağlı konkret qərarlar qəbul etdiyini qeyd edib: "Söhbət hərbi abidələrin altında qalan əsgərlərin qalıqlarının yenidən dəfn edilməsindən gedir. Biz bu məsələyə balanslı yanaşmaq istəyirik, xüsusən də abidənin yaxınlığında həqiqi məzarlar varsa",- deyə o əlavə edib./bizimyol.info
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar