_99.jpg)
Xəbər lenti
Putinə "Krım şoku" yaşadan hücumun peyk görüntüsü açıqlanıb - Şəkil/Video
Rusiya prezidenti Putinin göstərişi ilə başlayan müharibə artıq 6 aydır ki, davam edir. İki ordu arasında qanlı toqquşmalar davam edərkən, Krımdan gələn xəbər Rusiyanı şoka salıb. Rusiyanı silkələyən hücumun təfərrüatları məlum olub. “New York Times” isə Moskvanın itkilərini araşdırıb.
Manevr.az xəbər verir ki, “New York Times” qəzetindəki xəbərə görə, Saki Hava Bazasına edilən hücum Kremlin elan etdiyindən daha çox itkiyə səbəb olub. Belə ki, ABŞ mətbuatında yer alan xəbərlərə görə, əksini iddia etsələr belə, Kreml hücumda 9 döyüş təyyarəsini itirib.Hətta peyk fotoşəkilləri də Rusiyanın Krımdakı Saki aviabazasının partlayışlar nəticəsində ciddi ziyan gördüyünü aydın göstərir. ABŞ-da yerləşən Planet Labs şirkəti tərəfindən çəkilmiş fotoşəkillər bazada ən azı səkkiz təyyarənin məhv edildiyini və ya zədələndiyini göstərir.
Şəkillərdən də görünür ki, zirvədəki partlayışlardan sonra kraterlər əmələ gəlib və böyük bir ərazi yanıb.
Qeyd edək ki, Ukrayna Hərbi Hava Qüvvələri bazadakı bir çox təyyarənin məhv edildiyini açıqlasa da, Kiyev administrasiyası insidentə görə məsuliyyəti üzərinə götürməyib.
Rusiya Müdafiə Nazirliyi isə bazadakı sursat anbarında partlayışların baş verdiyini, heç bir təyyarənin zədələnmədiyini, Ukrayna tərəfindən bazaya hər hansı hücumun olmadığını açıqlayıb.
Ukrayna prezidenti Vladimir Zelenskinin müşaviri Myxail Podolyak da onların partlayışlarla heç bir əlaqəsinin olmadığını bildirib.
Ukraynanın müdafiə naziri Oleksiy Reznikov isə bildirib: “Məncə, bazadakı Rusiya əsgərləri çox sadə bir qaydaya əməl etməyiblər. Bu, "təhlükəli yerlərdə siqaret çəkməyin" qaydasıdır”.
Digər tərəfdən, hücumdan qısa müddət sonra Krımda müharibənin başladığını vurğulayan Zelenski, "müharibə Krımın azad edilməsi ilə bitməlidir",- deyə sərt açıqlama verib.
Zelenski, “Krım Ukraynaya məxsusdur. Biz heç vaxt Krımdan əl çəkməyəcəyik. Rusiyanın Ukraynaya qarşı müharibəsinin Krımın işğalı ilə başladığını unutmayacağıq”,- deyə çıxışına əlavə edib.
Ukraynanın Krımda Rusiya bazasına hücumundan sonra peyk görüntüsüZelenski bununla sanki, Krımda baş verənlərin Ukraynanın hücumu olduğuna da eyham vurub. Amma Putini “ağılsız” addımlara təhrik etməmək üçün Ukrayna Krıma zərbə endirdiyini rəsmən etiraf etmir. Hadisədən sonra yayımlanan videogörüntülərdə də bunun raket hücumu olduğu görünür. Çünki partlayışlar ardıcıl olaraq çüxtəlif nöqtələrdə baş verir./bizimyol.info
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar