_99.jpg)
Xəbər lenti
Çində yeni VİRUS HƏYƏCANI: "Gözlənilməz nəticələr ola bilər"
Çinin şərqindəki Henan və Şantunq əyalətlərində yeni virus panikası yayılır.
Manevr.az xəbər verir ki, bu əyalətlərdə yaşayan 35 nəfərdə heyvanlardan insanlara keçdiyi düşünülən "Langya" adlı henipavirus aşkarlanıb. Bu virusa əsasən siçanlarda rast gəlmək olur.
Çin, Sinqapur və Avstraliyadan olan tədqiqatçıların daha çox siçanlarda rast gəlinən virus haqqında yazdıqları məqalə "New England Journal of Medicine"də dərc olunub.
“Gözlənilməz nəticələr ola bilər, ayıq olmalıyıq”
Sinqapurdakı Duke-NUS Tibb Məktəbindən tədqiqatçı Vanq Linfa deyib ki, aşkar edilmiş hallar ciddi deyil. Buna görə də panikaya çevrilməməlidir.
Buna baxmayaraq, Linfa bildirib ki, ayıq-sayıq olmaq lazımdır, çünki təbiətdə tapılan və insanlara yoluxa bilən çoxlu sayda virus gözlənilməz nəticələrə səbəb ola bilər.
Tədqiqatçılar tərəfindən aparılan araşdırmalarda, sınaqdan keçən siçanların 100/27-də "Lanqya" virusu aşkar edilib. İtlərin 5 faizində və keçilərin 2 faizində də virus testinin cavabı müsbət olub.
Kostəbək kimi məməlilərin virusun təbii deposu olduğu düşünülür.
ABŞ Xəstəliklərə Nəzarət və Qarşısının Alınması Mərkəzlərinin tədqiqatçıları hesab edirlər ki, insanlarda görülən hər 4 virusdan 3-ü heyvanlardan insanlara keçə bilər.
Birləşmiş Millətlər Təşkilatı (BMT) daha əvvəl xəbərdarlıq etmişdi ki, iqlim böhranı və vəhşi təbiətin istismarının artması səbəbindən dünyada bir çox oxşar xəstəliklərin müşahidə oluna bilər.(publika.az)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar