Xəbər lenti
Rusiya ordusundan imtina edən hərbçilərə işgəncə verilir
Rusiya ordusunun Ukrayna müharibəsində itirdiyi hərbçilərin sayı 40 min nəfərə çatıb. Kreml qoşunları canlı qüvvə baxımından sıxıntı çəkməyə başlayıb. Üstəlik, ordudan imtina edənlərin sayı artıb. Müstəqil qurumların hesablamalarına görə, müharibə başlayandan 1793 rusiyalı hərbi qulluqçu müqaviləsinə son verib.
Rusiya ordusundan imtina edən hərbçilər böyük işgəncə görür. Bu barədə hamıdan əvvəl valideynlər danışmağa başlamışdı. Onlardan biri alternativ mediaya danışmışdı ki, oğlunu Luqanskda zirzəmidə saxlayırlar. Onlara günlərlə yemək vermirlər.“Deyiblər ki, daha iki gün saxlayacaqlar. Sonra nə olacağı bilinmir. Əşyalarını əllərindən alıblar. Kimdə telefon görsələr, alıb sındırırlar. Uşaqlar xərəkdə yatır. İşıq yoxdur, qaranlıqda yaşayırlar. Deyiblər ki, heç kimi evə yola salmayacaqlar. Hamını həbs gözlədiyini bildiriblər. Guya məhkəmə də Luqanskda keçiriləcək”.
Amerikalı jurnalistlər iyulun 24-də Luqansk vilayətinin Bryanka şəhərində saxlanılan rusiyalı hərbçilərdən biri ilə söhbətləşməyə imkan tapıb. Ordudan imtina edən hərbi qulluqçu mənəvi səbəblərdən bu addımı atdığını deyib. Onun sözlərinə görə, daha 200 cəbhə yoldaşı ukraynalılara atəş açmaq istəmədiyini bəyan edib.
“Mənə dedilər ki, iki yolun var – ya irəli gedirsən, ya da imtina edib həbsə yollanırsan. Mən istənilən halda imtina edəcəyəm. Burada çox pis şəraitdə saxlanılırıq. Telefonu gizlin istifadə edirik. Əllərinə keçsə, vurub sındırırlar”.
Oğlu Bryankada girov kimi saxlanılan hərbçilərdən birinin atası amerikalı jurnalistlərə deyib ki, müqviləsinə son verənlərin işgəncə gördüyünə əmindir. Çünki belə əsgərlərlə söhbət etmək imkanı olub. Oğlu ilə birlikdə xeyli hərbçini bir aya yaxındır pis şəraitdə saxlayırlar.
Təkcə Dağıstandan olan 300 hərbçinin Rusiya ordusundan imtina etdiyi bildirilir. Onlar vətənə qayıda biliblər, amma burada fərari kimi qarşılanıblar. Dağıstanlı hərbçilər jurnalistlərlə söhbət etməyə çəkinir. Onları haqqında cinayət işi açmaqla hədələyirlər. Hərbçilərdən bəzisi təzyiqlərə dözməyərək geri qayıtmağa razılıq verib.bizimyol.info
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar