Ukrayna ordusu bu şəhəri tərk edir

Ukrayna ordusu Severedonsk şəhərini əlində saxlaya bilməyərək tərk etmək məcburiyyətində qalıb.
Manevr.az xəbər verir ki, bu barədə Luqansk vilayətinin rəhbəri Sergey Qayday “Dom” telekanalına açıqlamasında deyib.
“Əsgərləri çıxarmalı olacağıq. Bunu xəyanət və ya satqınlıq kimi başa düşmək lazım deyil. Kimsə onları atmır. Sadəcə mühasirəyə düşməyə imkan verməyəcək", - Qayday bildirib.
O əlavə edib ki, dağılmış mövqelərdə olmağın “məntiqi yoxdur”: “Çünki işğal olunmuş ərazilərdə hər gün ölənlərin sayı arta bilər”.
Qayday qoşunların çıxarılması barədə qərarın artıq qəbul olunduğunu təsdiqləyib.
“Onlar artıq yeni mövqelərə, yeni möhkəmləndirilmiş ərazilərə geri çəkilmək əmri alıblar. Oradan da hərbi əməliyyatların aparılması artıq normaldır və imkanlar genişdir. Hətta düşmənə ağır zərbə edirmək mümkündür”, - o bildirib.
O eyni zamanda əlavə edib ki, şəhərin infrastrukturu tamamilə dağılıb, evlərin 90%-i zədələnib və ya dağılıb.ölkə.az