İsrail prezidenti Ərdoğana təşəkkür etdi

Türkiyə Prezidenti Rəcəb Tayyib Ərdoğan və İsrail Prezidenti İsaak Hersoq arasında telefon danışığı olub.
Manevr.az xəbər verir ki, bu barədə Türkiyə Prezidentinin mətbuat xidməti məlumat yayıb.
Telefon danışığı zamanı ikitərəfli və regional məsələlər müzakirə olunub. Hersoq Türkiyənin terrorla mübarizə səylərinə görə Ərdoğana təşəkkür edib.
Prezidentlər terrorla mübarizə və təhlükəsizlik mövzusunda dialoqun davam etdirilməsi, sülh və sabitlik üçün əməkdaşlığın davam etdirilməsi barədə razılığa gəliblər.