Avropa İttifaqı (Aİ) Ukraynanı qəbul etməzdən əvvəl yox ola bilər. 
Manevr.az xəbər verir ki, bu sözləri Rusiya Təhlükəsizlik Şurasının sədr müavini Dmitri Medvedev özünün Teleqram kanalında yazıb.
Medvedev Aİ-nin Ukraynanı üzvlüyünə qəbul etmək vədlərini Sovet İttifaqı Kommunist Partiyası proqramının 1961-ci ildəki son variantı ilə müqayisə edib. O, SSRİ-nin dağıldığını, Kommunist Partiyasının ləğv edildiyini və verilən vədlərin heç vaxt baş tutmadığını xatırladıb.
“İttifaqda qlobal xoşbəxtliyin başlanğıcı ilə bağlı vəziyyət mənə Avropa Komissiyasının Ukraynaya namizədliklə bağlı etdiyi təlqinləri xatırladır... Aİ bu vaxta qədər yox olarsa? Qalmaqalın nə olacağını düşünmək qorxuludur, çünki Aİ-yə qoşulmaq üçün hansı qurbanlar verilib və bədbəxt ukraynalıların gözləntiləri nə qədər aldadılıb?” -  Medvedev qeyd edib.
İyunun 17-də Avropa Komissiyası rəsmi olaraq Ukraynaya Aİ-yə namizəd statusunun verilməsini tövsiyə edib və Kiyev üçün bu statusu aldıqdan sonra yerinə yetirilməli olan bir sıra şərtlər irəli sürüb . Onlar korrupsiyaya qarşı mübarizə və islahatlarla bağlıdır./publika.az