Fransa Prezidenti Emmanuel Makron fransalı jurnalist Frederik Leklerin Ukraynada öldüyünü təsdiqləyib. 
UNIAN xəbər verir ki, o, bu barədə "Twitter"də məlumat verib.
"Jurnalist Frederik Lekler-İmhoff müharibənin reallığını göstərmək üçün Ukraynaya gəlib. Humanitar avtobusda Rusiya bombalarından xilas olmaq üçün qaçmağa məcbur olan mülki şəxslərlə birlikdə o, ölümcül güllə yarası alıb", - Fransa prezidenti bildirib. 
O, həmçinin mərhumun yaxınlarına başsağlığı verib, müharibə zamanı baş verənləri ictimaiyyətə çatdıranlara dəstək olub.
Xatırladaq ki, mayın 30-da Severodonetsk yaxınlığındakı Luqansk vilayətində rus hərbçilər evakuasiya avtomobilini atəşə tutublar. Hücum zamanı fransalı jurnalist dünyasını dəyişib. 
"Mərmilərin qəlpələri maşının zirehini deşdi, evakuasiya barədə reportaj hazırlayan akkreditə olunmuş fransız jurnalisti boyun nahiyəsindən ölümcül yaraland", - Luqansk vilayət hərbi administrasiyasının rəhbəri Sergey Qaydai bildirib.
Qeyd olunub ki, Frederik Lekler BFMTV kanalında işləyib.publika.az