Xəbər lenti
"İsrail vətəndaşlarına Azərbaycanda da hücum edilə bilər" - ABŞ mətbuatı
İsrail hakimiyyəti İranın regionun bəzi ölkələrində İsarail dövlətinin vətəndaşlarına qarşı hücum təşkil edə biləcəyini bildirən bəyanat verib.
Manevr.az xəbər verir ki, bu barədə cümə günü “The Times of Israel” məlumat yayıb.Bu cür qorxular İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) polkovniki Həsən Sayad Xodainin öldürülməsi və İsrailin bu işdə iştirakı ilə bağlı mediaya sızdırılan məlumatlarla bağlıdır. Bu barədə "The New York Times" qəzeti Amerika kəşfiyyatındakı mənbələrə istinadən məlumat yayıb.
Nəşrin yazdığına görə, İsrail hökumətinin yüksək vəzifəli rəsmiləri və müdafiə nazirliyi bir neçə məsləhətləşmələr keçiriblər. Bu məsləhətləşmələrdə onlar gözlənilən təhlükənin səviyyəsini müzakirə ediblər. Gözlənilir ki, yaxın vaxtlarda hakimiyyət hansısa şəkildə vətəndaşlara İranla həmsərhəd ölkələrə səyahətlə bağlı göstəriş verə bilər. Lakin hələlik rəsmi xəbərdarlıq etməyin planlaşdırılmadığı qeyd olunub.
Ehtimal olunur ki, risk zonasına BƏƏ, Bəhreyn, Azərbaycan və çox güman ki, Türkiyə də daxil olacaq. Qəzet mənbələrə istinadən qeyd edir ki, hazırda konkret təhdidlərlə bağlı kəşfiyyat məlumatı yoxdur, lakin hakimiyyət israillilərə İranla həmsərhəd ölkələrə, xüsusən də İsrailin məlumatına görə, vətəndaşlarının olduğu BƏƏ və Bəhreynə səyahət edərkən daha diqqətli olmağı tövsiyə edəcək. "İndi ümumiyyətlə, çox ehtiyac olmadıqca səyahət etməyin",- deyə tövsiyədə bildirilir.
Mayın 22-də naməlum şəxslər Tehranın şərqindəki küçələrdən birində evinə tərəf gedən Xodainin avtomobilinə atəş açıb. Hücumda motosikletdə olan iki nəfər olub. Hücum edənlər polkovnikə beş dəfə atəş açıblar. İnqilab Keşikçiləri Korpusunun mətbuat xidməti hadisəni terror aktı adlandırıb. İran prezidenti İbrahim Rəisi bazar ertəsi bildirib ki, ölkə hakimiyyəti polkovnikin öldürülməsinə görə qisas alacaq.
Xatırladaq ki, Xodai Yaxın Şərqdəki əməliyyatlara cavabdeh idi. Amma onun fəaliyyət sahəsinin bununla məhdudlaşmadığı iddia edilir. Amerika nəşri "New York Times" qəzeti iddia edir ki, polkovnikin “hədəfləri arasında Avropa, ABŞ, Keniya, Efiopiya, Birləşmiş Ərəb Əmirliklərindən olan rəsmilər də olub”. İddia edilir ki, mərhum polkovnik həmin şəxsləri "aradan götürmək" əmri alıbmış. İsrail də məhz bu iddiaları əsas götürərək polkovnikin qətlinə qərar verib./Bizimyol.info
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar