Manevr.az xəbər verir ki, xarici media vasitələri Kremldəki mənbələrin Putindən narazılığını sızdırdığını iddia edir. Gündəmə bomba kimi düşən iddiaya görə, Rusiya xalqı bir yana qalsın, bütün Rusiya elitası indi Rusiya prezidenti Vladimir Putinin hakimiyyətdən getməli olduğunu düşünür.
Bildirilir ki, Rusiyalı iş adamları və dövlət məmurları sanksiyalara görə çox çətin dövr keçirirlər və indi Putinlə bağlı narahatlığını gizlətmək bir yana, onun yerinə kimin keçəcəyindən danışmağa başlayıblar. Maraqlı xəbər odur ki, Rusiya kəşfiyyat icmaları da Putinin Ukrayna Müharibəsində bacarıqsızlığına əmindirlər. Ukraynanın casusluq agentliyinin rəhbəri Putinin sui-qəsd cəhdindən sağ çıxdığını və çevrilişlə bağlı narahatlıqlar fonunda özünü daha da təcrid etdiyini bildirib.
Kremldəki mənbələr bildirirlər ki, Rusiya prezidenti Ukraynanın işğalı zamanı demək olar ki, hamını ona qarşı çıxmağa məcbur edib. Bildirilir ki, yüksək rütbəli rusiyalı məmurlar artıq Putinsiz hökumət planlaşdırırlar. Kreml rəsmiləri və Rusiya elitası arasında demək olar ki, heç kim Putindən razı deyil.
“İş adamları və bir çox hökumət üzvləri prezidentin sanksiyaların miqyasını nəzərə almadan müharibəyə başlamasından narazıdırlar və belə sanksiyalarla yaşamağı qeyri-mümkün hesab edirlər”, - deyə mənbə bildirib. Bu iddia daha sonra iki hökumət rəsmisi tərəfindən də təsdiqlənib.
Bildirilir ki, Rusiyada müharibədən irəli gələn problemlər artıq göz qabağındadır və yayın ortalarına qədər bir çox müxtəlif aspektlərdə problemlər olacaq: nəqliyyat, tibb, hətta kənd təsərrüfatı və s.
Məlumata görə, 1945-ci ildən bəri bir Avropa dövlətinə qarşı ən böyük hücum təşkil edən Rusiyanın üç aylıq işğalı 6,5 milyondan çox insanın xaricə qaçmasına səbəb olub, bütün şəhərləri xarabalığa çevirib və Rusiyaya qarşı görünməmiş sanksiyalara səbəb olub.
BMT -nin Cenevrədəki ofisində yüksək rütbəli rusiyalı diplomat dünən Putinin Ukraynaya hücumunu "dözülməz işğal" adlandırdığına görə istefa verib və bir çox diplomatları müharibəni dəstəkləmədiklərini deməyə sövq edib.
Bildirilir ki, Putin ilk uğursuzluqlardan sonra Rusiyanın daxili təhlükəsizlik agentliyi olan FTX-ni Ukraynada kəşfiyyat məlumatlarının toplanmasına cavabdeh olan aparıcı qurum kimi vəzifəsindən azad edib və onun yerinə hərbi kəşfiyyat agentliyi GRU təyin edilib.
Amma Rusiya prezidenti hərbi əməliyyatı nəzarətə götürüb, şəxsən generallara əmrlər verib və məsuliyyəti həvalə etməkdə çətinlik çəkib. Digər tərəfdən isə Ukrayna Müdafiə Nazirliyinin baş kəşfiyyat direktoru dünən Putinin hər hansı sui-qəsd cəhdindən qaçmaq üçün tabeliyində olanlarla sıx əlaqəni kəsdiyini açıqlayıb.
“O, əbədi hökmranlıq edəcəyinə inanır. Amma olmayacaq. 20-21-ci əsrlərdə istənilən diktatorun tarixinə baxın. Hamısının sonu eynidir. Əksər hallarda onlar öz iradələrinə zidd olaraq ölüblər”,-deyə bildirib.
Qeyd edək ki, xəbər Putinin Soçidə dövlət televiziyasında müttəfiqi Aleksandr Lukaşenko ilə görüşündən bir neçə saat əvvəl ikitərəfli danışıqlara əyləşəndə ayaqlarını əyərkən kameralara düşüb. Kreml Putinin səhhətindəki problemlərə dair son iddiaları şərh etməyib, lakin Rusiya liderinin səhhətində problem olduğunu mütəmadi olaraq təkzib edir. Xatırladaq ki, keçmiş Mİ6 rəisi də Putinin səhhətindəki problemlərə görə "2023-cü ilə qədər gedəcəyini" və daha Rusiya lideri kimi görünməyəcəyini proqnozlaşdırıb.
Riçard Dirlov iddia edir ki, Rusiya diktatorunun səhhətinin ciddi şəkildə pisləşməsi ilə bağlı davamlı şaiyələr ölkənin idarəçiliyini ondan almaq üçün bəhanə ola bilər./bizimyol.info

Manevr.az