_99.jpg)
Bəs görəsən, Rusiyanın Moldovaya hücumu nə dərəcədə realdır? Belə olan təqdirdə Avropa ölkələri məsələyə qarışacaqmı?
Manevr.az xəbərinə görə, mövzu ilə bağlı konkret.az-a danışan politoloq Əhəd Məmmədli bildirib ki, Rusiyanın Moldovanı işğal edəcəyi real görünmür:
“Dnestryanı ərazilər onsuz da rusların nəzarətindədir. Orada Rusiyanın “sülhməramlı” qoşunları var. Kreml orada qondarma referendum keçirməklə həmin əraziləri özünə birləşdirmək haqqında qərar qəbul edə bilər. Moldovanın Rusiya ilə ümumi sərhədi yoxdur. İndiki halda Rusiya üçün Moldovada hərbi əməliyyatlar aparmaq daha çətin olar. Çünki Kreml rəhbəri Ukraynada istədiyi nəticəni əldə edə bilmir. Düşünürəm ki, Ukrayna kəşfiyyatının məlumatlarına bir o qədər də etibar etmək olmaz. Əgər ABŞ kəşfiyyatı bu haqda informasiya yaysaydı, onu ciddi qəbul etmək olardı. Sadəcə olaraq müasir dövrdə hibrid müharibə aparılır. İnformasiya müharibəsinin tərkib hissəsi kimi Ukrayna kəşfiyyatı ictimaiyyətə belə məlumatlar ötürür. Lakin Rusiyanın Moldovanı işğal edəcəyi real görünmür. Putin çalışır ki, Ukraynadakı müharibəni qısa vaxt ərzində yekunlaşdırsın”.
Politoloq bildirib ki, SSRİ-ni bərpa etmək Putinin ürəyində ən böyük arzu kimi qalacaq:
“Rusiyanın SSRİ-ni bərpa etmək iştahı var idi. Lakin müharibənin gedişatı onu göstərdi ki, rus ordusunun bunun üçün kifayət qədər gücü yoxdur. Putin qoşunlarının əsl gücünü gördükdən sonra imperiyanı bərpa etmək fikrindən daşındı. Mayın 9-da Donbasda qondarma referendumun keçiriləcəyinə dair müəyyən məlumatlar yayılıb. Yəqin ki, Putin bunu qələbə kimi elan edəcək. Çünki o, daxili auditoriyaya qələbənin rəmzi kimi nə isə təqdim etməlidir. Görünür SSRİ-ni bərpa etmək Putinin ürəyində ən böyük arzu kimi qalacaq. Ukraynadakı uğursuz hərbi əməliyyatları bunu deməyə əsas verir.
