Rusiya Xarici İşlər Nazirliyi Böyük Britaniyanın Baş naziri Boris Consona və hökumət üzvlərinə qarşı sanksiya tətbiq edib.

Manevr.az xəbər verir ki, bu barədə Rusiya Xarici İşlər Nazirliyinin yaydığı açıqlamada bildirilir.
Məlumata görə, keçmiş Baş nazir Tereza Meyə də sanksiya şamil olunub. 
Məlumatda qeyd olunur ki, London Ukrayna ətrafında vəziyyəti qəsdən gərginləşdirir, Kiyevi öldürücü silahlarla təchiz edir və eyni NATO səylərini koordinasiya edir. Bir sıra ölkələri Rusiyaya qarşı sanksiyalar tətbiq etməyə sövq edir və bu, qəbuledilməzdir./publika.az