_99.jpg)
Xəbər lenti
Parlamentin iclasında millət vəkili sevgilisinə evlənmə təklif edib
İtaliya parlamentinin noyabrın 28-də keçirilən iclasında çıxış üçün söz alan millət vəkili Flavio Di Muro sevgilisinə evlənmə təklif edib. Videokamera görüntülərində Elisa adlı qızın təklifə nə cavab verdiyi başa düşülmür. Lakin İtaliya mətbuatı onun evlənməyə razı olduğunu yazıb.
Manevr.az Azərtac-a istinadən bildirir ki, LİG müxalifət partiyasının təmsilçisi olan Flavio Di Muro ölkədə baş vermiş zəlzələnin fəsadlarının aradan qaldırılması məsələsinin müzakirə olunduğu iclasda qəfildən söz alıb. "Bu gün mənim üçün çox əlamətdardır", -deyən millət vəkili nişan üzüyünü çıxarıb və əlavə edib: "Hörmətli məclis sədri, icazə verin sizə deyil, ziyarətçi sıralarına müraciət edim. Elisa, mənimlə evlənməyə razısan?".
Həmkarları Flavionu alqışlarla təbrik ediblər, amma spiker Roberto Fiko narazılığını bildirib: "Hörmətli deputat Di Muro, hər şeyi başa düşürəm, amma parlamentdə çıxışdan bu məqsədlə istifadə etmək çox uyğunsuzdur", -deyə o əlavə edib.
Lakin spikerdən sonra çıxış edən qadın deputat Stefania Pezzopane təbriklərə qoşularaq bildirib ki, parlamentin iclasına "eşq möhürünün" vurulması onu olduqca məmnun edib.
Sosial mediada isə millət vəkilinin zəlzələnin fəsadları kimi ciddi məsələnin müzakirəsində evlənmə məsələsini gündəmə gətirməsi etirazlara səbəb olub. Bəzi statuslarda Di Muronun bu jestinin qanunverici orqana hörmətsizlik olduğu, İtaliya parlamentinin televiziya şousuna çevrildiyi yazılıb.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar